尼个世界咩7人都有，以下时间为大家深入分析教师尼个职业。尼个学期好幸运啊，认识左几位样貌端正，好有个性既教师，距地都响我既求学期间作出了莫大既帮助。
      第一位：披头散发，成身邋遢，年约35＋岁既hiphop潮伯。一个学期12堂课静系上左5次课，虽然接触时间短暂，但系距作风之潇洒，谈吐之文雅给同学们留下深刻的印象，上左2次课咩技巧都未教过就叫同学们去拍录影，点拍？唔讲；拍咩？freestyle；咩主题？你估下！！尼位教师令同学们充分甘展示出无比既积极性同创意。
      第二位：阴声怪气，乜都唔理，年约25＋岁既外籍人士。此人讲课速度快如闪电，距有距讲，你有你听。你话听唔到？距话关我屌事啊，我是来sale酱油的。距有2句口头禅——
1.有什么问题不要问我，我已经说过了6遍了。
2.有什么不懂不要问我，这么简单的问题自己看书就知道了。
甘其实我地唔洗去上课喇，自己响屋企睇书就得喇，尼个教师令同学们充分甘展示出无比既自主性，同激发出自身既DIY潜力。
      第三位：斯斯文文，内心好淫，年约35＋岁既本地教师。此人知识渊博，上知天文，下知地理，高至相学，紫薇斗数，低至生菜几钱斤都了如指掌。“靓女，我见我地都几有缘，不妨免费帮你睇下相。”尼句话出自于距口中一D都唔惊奇，其实教师只不过系距既副业，距系主修风水噶，连麦玲玲都要叫距一声师兄。尼位教师激发起同学们对知识既追求，人地学1科，你学足2科，人地早上教书，你夜晚仲要帮人睇相。
      如果外形健康，打扮整洁既人就可以做教师既话，我情愿选择一个猥琐既GTO。

PS：估中晒3位教师既将会获得神秘大礼品。

5月28号，早上我一如既往甘搭车翻学喇，听着歌，散着步，等左我将近15分钟，280号公交车终于到站，一群上班族像饿狗抢屎般涌上车，我至Q憎逼噶喇，所以就等距地上晒我先上喇，当我从裤袋罗出荷包，正向羊城通机一DO之制，我一直听住既歌曲，突然无左音乐声，我左手摸摸裤袋，发现手机唔见左，我迅速落车回眸一BEE既时候，小偷已经消失响茫茫既人海之中。我不单止损失左我“亲爱的”，连2蚊车费都赊Q埋。

我无继续翻学，而系往屋企既方向无奈地走去，行左唔够50米我见到巡警既时候，我试图请求距既帮助，以下系我地之间亲密既对话：

ME：我岩岩俾人偷左部手机啊！

巡警：果度唔属于我管过窝。

ME：小北站甘近都唔属于你地管噶咩？

巡警：系甘噶喇。

ME：甘即系完全唔理啊？

巡警：好出奇啊？

我心中的无奈×2了，继续往屋企既方向走，随后我见到一部停靠响内街既巡逻车，我走过去试图请求距既帮助，以下都系我地之间亲密既对话：

ME：我岩岩俾人偷左部手机啊！

阿SIR：果度唔属于我管过窝。

ME：我都未讲边度俾人偷，你就话果度唔属于你管？

阿SIR：系甘噶喇。

ME：甘即系完全唔理？

阿SIR：好出奇啊？

对白之相似，态度之恶劣，由此可以肯定距地系受过“专业训练”，屋企既小朋友千奇唔好模仿，我心中既无奈×3了，由尼件事我体会到“人民币公仆”工作态度。

别了，我“亲爱的”，请容许我再说一声我爱你。

正所谓开开心心出门去，温温炖炖浸温泉，我同3位同学参与左“古兜两日一夜温泉游”，果日我地响KFC集中再上旅游巴出发，当我地上车之后见到一位位年约50既中年妇女，我地既心情一下子从天堂跌落左地狱，意味着我地已经上左贼船，我怀着啊Q精神地心念：无树既，定。。最紧要定，美女总会有的。

旅游巴高速地行驶，整车人正在闲聊之际，突然有位年近30，体形庞大既女人响度自我介绍，大家可以叫我小洪。。。【如此庞大既身躯，叫你小洪，即系叫我地捂住良心讲大话】其实距就系我地团既导游，甘我就处于礼貌上地叫距——大熊 喇～导游大熊同团友讲左一D注意事项，距用标准既普通话说“你们不要在猛烈既阳光下晒太久，特别是那位白色衣服，带眼镜的男生，呵呵，皮肤挺白皙的”。WHO？WHO？无错，果位白衣男生就系我既同学，我地平时都系尊称距做 大佬，你地睇下。。。距微笑中带点不羁，敦厚既面孔下隐藏着狂野既性格，纯洁既外表埋伏着淫荡既内心。响导游大熊言语上猛烈地调戏下，我地大佬越黎越觉得唔好意思，白皙既脸蛋一下子红了起来，引来了我地一顿暴笑。

大约正午时份，我地去到农庄参观，期间见到又老又残既“禾雀花”，生得好鬼似鸵鸟既雀仔。跟住就食左一餐好7难食既午餐，难食唔系重点，重点系我地要同果班中年妇女同台，可以话系百般滋味在心头，未食就饱晒。←“禾雀花”←“生得好似鸵鸟既雀仔”

食完饭就紧系做下运动促进消化噶喇，响尼个农庄有一种娱乐设施系你去“长隆欢乐世界”都玩唔到既，距就系细路玩到狂笑，靓女玩到尖叫既——荡千楸。荡千楸其实有深厚既远古历史，差D入选屎上最伟大发明，可惜当时系输左俾“Sir滑梯”，点解遗存至今都仲甘经典？你慢慢睇下以上既图就可以了解到距既魔力所在。。。。。。←“DIY自HIGH”←“2个人兴奋程度系高好多噶”

从图片证明，两个人点都HIGH过DIY

←“未出发先兴奋”←“灵异现象”

去到酒店放低D行礼后，我地就四处游荡，讲你都唔信啊，我地居然发现左一片湖畔，就犹如哥伦布发现新大陆一样令人惊讶，我决定插支旗仔据为己有。我地行下行下发现湖畔上有间小屋，突然屋内走出一个生物，一定系“外星人”喇，我尝试过同尼位外星人沟通，只见距用外星语言讲左4个音符便转身离开，我当然唔知道距UP乜喇，但系我隐约仲记得果4个音符既读法既，读成——屌你卤味。

←“发现新大陆”←“红衣外星人”

我地继续沿住湖畔游荡，忽然间发现湖中有一座小岛，难道就系传说中既——估你唔岛？？？响甘特别既时刻，我紧系影翻2张相作为留念喇，但系当我影到第二张相既时候，好唔小心甘影到两位正在偷欢既情侣，其中一位身高5尺8寸高，头带蓝帽，白衣蓝裤，黑色粗框眼镜，年约20既中国籍男子；另外一位由于太靓仔喇，在此忽略唔讲。距地响湖边卿卿我我甘缠绵住，仲浪漫过《铁达尼》，亲密程度犹如孖生既连体婴，真系善煞旁人啊。

←“估你唔岛”←“痴男怨男”

我地食完晚饭之后就开始左我地既温泉之旅，由于唔方便携带相机，所以无图片观赏，但系我唔带相机尼个决定系岩噶，我试问下大家。。。你带部相机去浸温泉做咩啊？影阿伯搓老泥？定系影阿婆卒脚趾啊？

浸完温泉有D肚饿就食左一碗唔洗拉既拉面，未煎就已经癃左既饺子，价格贵，份量少，味道差，就系尼间店既特色。我地深感被稳笨7之余仲依然去左酒店隔离间糖水铺，因为我深信尼个世界并唔系甘黑暗既。。。我最爱既糖水——西米露，价值4蚊，果然货真价实，好多西又好多米，甜到入心。←“黑店”←唔系叫你睇距个样，系睇距对靓鞋←多米到西甘既西米露

食完糖水我地就翻酒店，我第一时间就去冲凉，毕竟温泉果度都唔知几多乌糟野，我系处于健康安全，卫生起见。。。所以当日我系温泉前冲一次，温泉后冲多一次，一日两次，仲密过大姨妈家访。随后我地就用自带既PS2黎玩起game，一共3个人轮流玩，即系所谓既3play，玩game玩到露晒底。。。距都算系第一个囖。←“生化危机”←“很黄很暴力的底裤”

玩到半夜大家都累，就各自回到自己既房间训搅，早上我起身关空调，却发现惊人既一幕。我终于明白咩叫一山还有一山高，而尼座山米就系喜雅拉马山囖。←“古兜金字塔”

                                                                                                                                                End

    定。。。最紧要定，好多人见到尼个标题会吓衬，所谓既“产假”只是本人作品生产的假期而已。      

    主要原因由于本人最近事情比较繁忙，学校要搞录影短片，又要写剧本，又要取景。话说剧本创作我都好耐好耐好胶耐无写尼D甘文皱皱既文章了，怎样写怎样构思都唔系我的style，只能用较好既修辞手法黎掩盖枯燥的内容，然而最后我创作的剧本还是落选了。虽然搞录影短片好辛苦，但系尼次机会让我首次感受到大学的生活，一TEAM人在搞一些创作，那是我梦寐而求的，同时也提供一个平台锻炼一下自己......所以我决定做到鞠躬尽瘁，屎而后已。

    其次原因是因为最近播放的“欧冠8强赛”，每个礼拜星期3，4 深夜2：45分准时开波，一个月黎足4次，简直俾“大姨妈家访”仲频密，试问我点可以有充足既睡眠呢？但系足球系我生命既一部分，试问我又点可以错过呢？响鱼与熊掌既抉择之间。。。我明智地选择了罗cash，我决定足球，睡眠，两手揸，两手都好胶硬，坚决贯彻党既思想，宣扬十六大既精神。

    最后宣布那篇《温泉游记》将会延期推出，什么时候出？不要问。。。只要等。我发誓将会带给你们耳目一新的感觉【注：若然无感觉请去看医生】。

 大家好，今日我教大家煮既菜叫—绝代双娇。 
 

材料如下：智商低于30既傻A猫2只
          摆左几十年都未发霉既陈皮少许
          好咸既糖2茶匙
          好甜既盐3茶匙
          本人亲自响天桥底采栽既野菜若干
          中意食辣既朋友仲可以加少许辣椒【只限生吞，不作配料用途】
          2碗水煲成2桶水甘就大功告成喇～
由于本人系经过长年累月既积累先又宜家甘既成果，屋企既小朋友切勿模仿，
火灾，爆炸，食物中毒等特发状况，本人将一概不负法律责任。
    下面既时间我就介绍下我屋企2只傻A猫喇。 
     黄甘甘仲黄过黄夏惠既就叫 阿傻 
 

     白雪雪仲白过白雪公主欣宜既就叫 阿蕉，阿蕉最近频频受媒体报道困扰，哎….都系自拍惹的祸，好明显喇...距地就系twins喇 
 
阿蕉既图2绝无不雅成份，我好肯定果条系尾巴...


    距地2位衰野身长30厘米，样貌俊朗，性格开放，唏嘘中带点ON 9，肌肉发达，头脑简单，距地每日都坚持运动——训搅.....每日早上都会守候在房门前“猫鸣”，俾Morning Call仲准时，俗语话——无事献恩勤，必有所求。距地甘样做，无非都系想叫我喂距地食早餐。
    由于时间既关系，今日既节目已经播映完毕，感谢每一个黎我blog又唔话我卜既朋友。

       某日在QQ群讨论起长隆欢乐世界新机动设施既话题，让我泛起了阵阵涟漪，心血来潮

写一篇【长隆·蒲后感】。
       数月前，响表哥既带领下，一群共6人既神秘团伙向长隆欢乐世界迈进，当到达现场时

距地好Profession地检查装备：
手表...有
指南针...有
我仲带埋手提电话添...妖，宜家连小学生都有手机喇
       当我地俾完门票入场正准备去欢既途中，前面有一位女游客突然同隔离既友人讲：啊

～～～好HIGH啊。叫声很尖，很陶醉！
       OH MY GOD，岩岩入场，咩机动设施都未玩就已经可以甘HIGH，我身为一位知识分子，我之后系去过心理医生咨询过，尼种情况系属于——未出发先兴奋，严格上黎既系属于病态，现今既医学系暂时无得医。我地无理距，由得距响一边自HIGH。
       我地第一个玩既机动设施系——【超级大摆锤】，当我set好安全设备既时候，我隔离

果位同伴突然响起手机，大摇锤同时启动....距一边倾一边摆，仲笑骑骑放毒蛇甘对住我笑，我试图扮唔识距，因为你知道喇，一个响度玩紧甘刺激既机动设施，全场唔叫，

仲响度倾电话既人，隔离D游客见到你同距识得既，肯定怀疑系芳村精神病院逃跑出黎噶

喇。我系考究过，如果有人响最高点吐口水，一个来回摇摆之后距系完全可以接得翻，就算距接唔翻，隔离D都可以接住，响现今甘和谐既社会，中左招米当做面膜囖，速度越黎越快，高度越黎越高，没有刺激，只有难受，就像被QJ，而且还是在半空中被QJ，可能一入场就玩D甘激既设施有D负荷唔到既原因。但系甘样你地唔可以怪我，当我黎长隆之前玩过最最最刺激既游乐场设施系——荡千秋。
       跟住我地就去左玩——【碰碰车】，其实玩车系好讲天份噶，你知道嘛？在下就系人

称越秀山车神【风车个车】，得到尼个称号并非偶然，我系靠先天既天赋；后天的努力，再加上不屈不饶既精神先得到宜家既成就。虽然系车神，但系始终都要排队....等待期间

我见到一位年龄约25岁，身高1米67，三围67’67’67’既中国籍女子揸住架车，撞左

响护栏卡住左....郁到郁唔到，全场斋睇，距玩完落场之后仲同友人讲：好好玩啊，

好刺激啊。
       经过几个弱智游戏缓冲之后，我地黎到左——【十环过山车】，我仲同我既变态堂妹

坐车头（何解变态？稍候为你详细分析），未玩之前我都有D惊，我响心里面死同自己讲：“定，最紧要定啊”。玩完之后先发现尼个机动设施系我觉得最好玩最刺激既，又够高又够快，但系我系唔会因为甘样而自HIGH既，当你玩完尼个过山车，你系会完全改变左发型，我认为尼个机动设施应该改名为——【负离子过山车】。
       我既变态堂妹，当距玩完一个机动设施之后，落黎第一句就系：好刺激啊，玩多次先

。开始我地以为距真系中意玩果个机动设施喇，米等距玩多一次先囖，但系噩梦开始左

喇～～当我地发现左距每个机动设施都玩2次既时候，我地先发觉距很丧很变态，女人是

多么可怕的。
       最后我地玩——【摩托过山车】，顾名思义即系揸住部摩托穿过座山，然后一下车晕

你，尼个机动设施只有一个特点就系——快，快到连玩完都唔知咩树，全程唔超过20秒

，正如我经常讲既——高潮总是那么几秒。我不得不重申...我变态的堂妹又玩多一次，很丧很变态。
       最不幸的事情发生了...大家都玩到筋疲力尽正准备离开既时候，途中遇见3名黑人揸

住一部小型越野车正向我方前进，1名司机，2名蒙面的手持水枪，说时慢那时快，果班

禽兽在我娇小的身体上狠狠地射了3野，射出的那些不明飞行液体在我雪白的身躯中嬉戏

【由于剧情需要，以上写作手法可能引起观众自HIGH】。点解...点解...点解净系我中左

3野？当我很硬胶地站在路中央顿时显得十分无助，除左问候距地D祖宗18代之外我咩都

做唔到，但系我系唔会轻易甘向【黑“射”会】低头既，我好专业甘分析左距地3条粉肠既特征——黑。明年春暖花开日正是我报仇之时，虽然后面揸水枪果2个蒙住面，但系我依稀感受到距地散发出黎既气息，总结：very黑，very猥琐。
       希望大家睇完可以留下言，俗语——睇完唔留言，命都短几年。
                                                                                                                                        End

       1月14号，本学年最后既考试——艺术概论，对于好似我甘自小受高等教育，自身充满艺术素养既人黎讲，尼科考试可以话系完全无难度，以上都系其次，重点系尼科考试系......开卷既～～俗语话——唔洗腾，No Problem

       考艺术概论与考政治有一个共通点，就系考完之后，果支笔可以报废了，完全系考验笔水既马拉松，虽然系开卷，但系依然有填空题系比较麻烦，同学们使出百般武艺寻找答案，咩 乾坤大挪移，千里眼，偷天换日都用上，甚至有部分同学还对监考老师放电.....那是十分恶劣的行为。

       考试结束，全程接近写左1500＋既字，严格黎讲果D唔系字，本人当日系创作了20世纪最抽象既字体，基本上系只有艺术家先睇得明，过程中我要感谢我既右手，考完之后仲呈现手部抽筋现象，为左慰劳我亲爱既右手，我决定去做一次手部SPA。

       跟住就系我地本班既活动——唱KKKKK，响大佬既带领下我地率先到达现场，现场漆黑一片，烟幕弥漫，举头不见明月，伸手不见五指，其后到达既系来自古墓派与全真教既情侣档 Seven哥 Seven嫂，兴少，兴嫂，一pair pair，好似玩紧“潜乌龟”甘，唯独系恒少在墙角揸住禄竹画圈圈，原因系恒嫂唔得闲；突然有一股很强的气推开房门，破门而入既就系江湖中鼎鼎大名既【神奇五女侠】，江湖流传距地5位身穿风衣，举止疯癫，言谈疯狂，外形风尚，外表斯文，内里welldone，一电你就晕，本人系一位好诚实好中肯既人，对5位女侠既评价系——真人系靓过上镜既，事关距地系未上过镜头既。最后压轴登场既就系宿舍【四大才子】，才子就紧系识得吟诗噶喇，俗语话——熟读唐诗三百首，节日唔会ON 9 9。

      各派武林高手到齐，【华山论K】在刀剑声与惨叫声中拉开序幕，过程充满血腥，以下内容将会屏蔽，用最近很流行BBS既一句说话来概括就系——很黄很暴力。

      夜深了，距地从中午PK到夜晚，真是一群PK【唔包括本人】，各路人马都各自散去，由于本人怕黑，广州治安又唔好，所以也离去了，快乐既时间过得特别快，又系时间讲 Bye Bye。

       12月22号过冬，当天阳光灿烂，唔岩！！果次聚会发生响晚上，应该系漆黑一片，抬头不见明月，伸手不见五指，我和久违的梁教授一起手牵手地参与活动，当到达犯案现场既时候，首先映入眼帘既系一位身形似洪金宝，臀肌似肥姐，胸肌似八两金，样貌似........【略100句粗口】

无错，距就系洪金宝，肥姐，八两金既混合体，一次过满足晒3个愿望，我们“登峰小学”昔日既校草——安哥！！人称“中国版安在旭”～～

       接下来望住镜头带眼镜既就是另一位同学 豪C

最左边那位其实我都唔知系咩水，可能系茶楼既waiter，见到有镜头

就涉个死人头黎抢镜的，留意下距既视线，无错....距当时系对住一粒

又圆又大既烧卖放电......

       最后压轴出场既就系2位美女，其中一位就系当日策划食大茶饭

既主谋762女士，由于小弟文笔有限，不过多介绍。

      还要介绍当日负责影低我地犯案过程既梁教授,以上图片都系转载

梁教授，点解图片上没有梁教授既出没？原因他想制造不在场证据！！

唔得....下次都要拍翻距先，好让我转做污点证人。             

                                                                                                End

       尼只专辑我稳左2个钟先稳到下载，专辑封面为电影演员金玉彬，MV 的主演为：金玉彬、申贤俊。Zia被称为不露脸的歌手。

下下下？不露面既歌手？甘似李孝利既电影《如果相爱，就像他们》既剧情既？又或者可能有咩唔见得光。

听左只专辑觉得真系几好，值得推荐俾大家听下！

       讲一讲 金玉彬 尼位电影艺人，最初认识距既时候，系通过一部电影《多细胞少女》，这部电影系我睇甘多韩国电影最BT最BT最BT既一部【虽然BT但系绝无色情成份】，甘有气质既女生居然拍甘既戏，可惜尼部电影有前无后，后期既剧情真系令人失望，觉得无聊既朋友可以down黎睇睇。

歌手简介：

姓名：Zi-A 지아 智雅
本名：朴智慧 박지혜 (Park Ji Hye)
出生：1986.07.21
身高：169cm；体重：47kg
家族关系：两男一女中的长女
特记：钢琴
经历：KCM 专辑2“当然” Featruing (2005)
出道：专辑 1 “Voice Of Heaven”(2007)
辑曲目：

01.凝视
02.我的心与星星一起(Duet With KCM)
03.守护天使
04.爱情像窗外的雨水
05.当然
06.凝视(Piano Ver)

       最近睇左一部韩国音乐电影《美女的烦恼》，故事内容系讲解一位又肥又丑的女子行了全身性的整形手术，从肥女变美女其间的风波不断状况百出，这部电影令我影响最深刻的是女主角金雅中那首《maria》，是我在这么多音乐剧中听到最好听的歌曲，也是中岛美嘉的《NANA》和李孝利的《如果相爱，就像他们》这些正宗音乐电影之中无法给人留下深刻印象的关键因素。

       不过在这3部音乐剧式的电影当中，李孝利的《如果相爱，就像他们》故事情节和感人程度系最好的，可惜李孝利的歌唱得嘛嘛【唔好俾李孝利D fans知道】。

       在《NANA》那部电影中，我认为最好听的歌曲居然不是 mika 唱的，而是伊藤由奈的《ENDLESS STORY》，真是一种讽刺【mika迷唔好丙我啊，无心噶】

   在刚刚直播完毕的AMA07颁奖典礼上，VV所提名的最佳女歌手奖项最终颁给了黑眼豆豆组合中单飞发展的Fergie。
与VV一同竞争这座奖杯的还有碧昂斯。
而为了出席这次的颁奖典礼，VV花了很大心思打扮自己，一身高贵的黄金色长裙惊艳全场。而后来登台表演的《HOT》更是反响强烈。希望这些能够为VV带来稍许的安慰。

      之前念住去睇黄子华既栋笃笑《越大窝，越快乐》，特意托人去HK买飞

可惜早早已经卖光，当我绝望既时候，有一位澳门朋友话澳门仲有一场，我又

托距帮我问下仲有无飞，可惜天意弄人，连澳门飞都卖勾埋！！

顶你个肺咩，早知去睇 linkin park 香港演唱会好过喇....

宜家搞到咩都睇唔到，好在有一位网友去左香港睇linkin park

我从他果度弄左几张相片黎睇，但系感受唔到现场那种气氛系最可惜的